Ngenze umsebenzi omningi phakathi kwenu, ngempela, ngakhuluma futhi. Kepha ngizwa ukuthi amazwi Ami kanye nomsebenzi Wami awukayifezi injongo yomsebenzi Wami wezinsuku zokugcina. Ngokuba ngezinsuku zokugcina, umsebenzi Wami awungenxa yomuntu noma abantu abathile, kodwa ukuveza indalo yobunjalo Bami.
Nokho-ke, ngenxa yobuningi yezizathu—mhlawumbe ukungabi bikho kwesikhathi noma ukuba matasatasa ngomsebenzi—Indalo Yami ayivumelanga umuntu ukuba ajwayelane Nami nakancane nje. Ngakho-ke ngithatha igxathu ngiye phambili ecebweni Lami elisha, Umsebenzi Wami wokugcina, ukuveza ikhasi elisha ukuze bonke abangibonayo Mina bazishaye isifuba futhi balilele ubukhona Bami ngokungaphezi. Ngokuba ngiletha isiphetho sesintu ezweni, bese kuthi emva kwalokho, Mina ngibeke ngokusobala indalo Yami kubo bonke abangaziyo kanye nalabo “abangazitiki ngamehlo abo” futhi babone ukuthi ngempela ngizile phakathi kwabantu, emhlabeni lapho izinto ziphindaphindeka khona. Leli icebo Lami, “Inhlambuluko” Yami eyodwa selokhu Mina ngadala isintu. Ngifisa sengathi ningabheka konke ukunyakaza Kwami ngenhliziyo yenu yonke, ngokuba intonga Yami iyasondela futhi esintwini, eduze kwabo bonke abaphikisana Nami.
Simunye namazulu, Mina ngiyawuqala umsebenzi okumele ngiwenze. Ngalokho ngihambela phakathi kwenqwaba yabantu ngiphinde ngihambele izulu nomhlaba. Akekho obona ukuhamba Kwami noma anake amazwi Ami. Ngakho-ke, icebo Lami liqhubeka kahle. Kungenxa yokuthi yonke imizwa yenu isiphenduke bukhuni ngalendlela yokuthi aniwazi amagxathu omsebenzi Wami nakancane. Ngolunye usuku, nokho, niyayikubona inhloso Yami. Namuhla Mina ngiphila phakathi kwenu futhi ngihlupheka nani. Kade ngaqonda ukuthi isintu singibheka kanjani Mina. Angifisi ukuveza okuningi obala kakhulu, angisaphathi ngokunikeza izigameko zalokhu okungizwisa ubuhlungu Mina ukuze ngikuhlaze. Isifiso Sami esisodwa ukuthi ugcine konke lokhu okwenzile enhliziyweni yakho ukuze ubhekane nosuku esiyakuhlangana ngalo futhi. Angifisi ukumangalela ngokungesilo iqiniso noma imuphi phakathi kwenu, ngokuba njalo bengilokhu ngenza ngokulunga, ngokufanelekile, nangenhlonipho. Ngiyafisa ngokuqinisekile ukuthi nani nikhuthale futhi ningenzi lutho oluphambene nezulu nomhlaba kanye nonembeza wenu. Yilokhu kuphela engikucela kini. Baningi abakhathazekile futhi abangakhululekile ngokuba benza amaphutha ahlukene, futhi abaningi bahlazekile ngokuthi abakaze benze nesisodwa isenzo esihle. Nokho baningi futhi abangalizwa ihlazo ngezono zabo, kunalokho baba babi kakhulu, badabula ngokupheleleyo ubuso babo obubi—okusazokwembulwa ngokupheleleyo—ukuhlola indalo Yami. Mina anginandaba noma anginakisisi izenzo zanoma imuphi umuntu. Kunalokho, Mina ngenza umsebenzi okumele ngiwenze, ngifunde imininingwane, ngizulazule izwe, noma ngenze lokho engikuthakaselayo Mina. Ngezikhathi ezibalulekile, Mina ngiqala umsebenzi Wami phakathi kwabantu njengalokhu kwakuhleliwe, kungabibikho umzuzu osalela ngemuva, futhi lokhu kwenzeka kalula futhi kuqonde ngqo. Nokho-ke, abanye abantu balahlelwa ngaphandle kuzona zonke izinyathelo emsebenzini Wami, ngokuba Mina ngiyakwedelela ukuzenzisa kanye nokumbuluza kwabo. Lokho kuyisinengiso Kimi bayakulahlwa ngempela, nomangabe kungenhloso noma ngokungenanhloso. Ngamafushane, Mina ngifisa bonke labo engibeyayo ukuba babekude Nami. Nokho ngingasasho-ke, Mina angeke ngibayeke ababi abasasele endlini Yami. Njengoba usuku lokujezisa umuntu seluseduze, Mina angikhathazekile ngokubakhiphela ngaphandle bonke abanemiphefumulo emibi, ngokuba Mina nginecebo elingeLami.
Manje sekuyisikhathi sokuthi nginqume isiphetho somuntu ngamunye, hhayi isigaba engaqala kuso ukusebenza umuntu. Ngiyabhala encwadini Yami amazwi nezenzo zomuntu ngamunye, kanjalo nangezindlela zabo njengomlandeli Wami, izichachiso zemvelo, kanye nokwenza kokugcina. Ngalendlela, alukho uhlobo lomuntu oluyakuphunyka esandleni Sami futhi bonke bayakuba nabafana nabo njengalokhu ngahlukanisile. Nginqumile ukuthi isiphetho somuntu ngamunye hhayi ngokweminyaka, ubukhulu, izinga lobuhlungu, noma okokugcina, izinga lenhlupheko, kodwa noma ngabe baneqiniso. Akukho okunye ukukhetha ngaphandle kwalokhu. Kumele ukubone lokhu ukuthi labo abangalandeli intando kaNkulunkulu bayakujeziswa. Leli iqiniso elingenakuguqulwa. Ngakho-ke, bonke labo abajeziswayo ngenxa yokulunga kukaNkulunkulu futhi njengesijeziso sezenzo zabo ezimbi. Angikaguquli nokukodwa ecebweni Lami kusukela ekuqaleni. Ukuthi nje kuphela, kumuntu, labo engibhekise kubo amazwi Ami kusengathi bayancipha ngokwenani, kuqhathaniswa nalabo engibavuma ngeqiniso. Nokho-ke, Mina ngimile ekutheni icebo Lami alikaze liguquke; kunalokho, ukukholwa nothando komuntu okuguqukayo, oluwohlokayo njalo, kuze kufike ezingeni lapho umuntu ekwazi khona ukuzincengela phezu Kwami, abande Kimi noma angixoshele ngaphandle. Indlela engikubheka ngayo angeke ishise noma ibande kuze kufike lapho senginyanya khona bese kuthi ekugcineni ngibeke ukujeziswa. Nokho, ngosuku lokujeziswa, Mina ngiyakukubona, kodwa uyobe ungasakwazi ukungibona Mina. Sengiyezwa ukuthi impilo phakathi kwenu isiyisicefe futhi igqwalile, ngakho asikho isidingo sokusho, Mina ngikhethe okukuzungezile okwahlukene ukuba ngiphile kukho ukuze ngigweme ukuzwa ubuhlungu ngenxa yamazwi akho anonya futhi ngigweme ukwenza kwakho okungcolile ukuze ungasakwazi ukungibukela phansi futhi ungenze isilima Mina. Ngaphambi kokuba ngikushiye, Mina ngiyakuyala namanje ukuba udede ekwenzeni lokho okungahambisani neqiniso. Kunalokho, kumele wenze okuthokozisa bonke futhi okuyinzuzo kubantu bonke kanye nasesiphethweni sakho, ngaphandle kwalokho lowo osebuhlungwini benhlekelele, akekho omunye ngaphandle kwakho.
Isihe Sami esalabo abangithandayo Mina futhi bazidele bona. Futhi ukujeziswa okwalethwa kwababi kungubufakazi bendalo Yami elungileyo kanye nokuningi, ubufakazi bentukuthelo Yami. Uma ifika inhlekelele, indlala kanye nenhlupho iyokwehlela bonke labo abaphikisana Nami bayolila. Labo abenze zonke izinhlobonhlobo zobubi ngesikhathi seminyaka yabo eminingi, njengabalandeli Bami angeke bangabi nacala; nabo futhi bayophila besesimweni sokwethuka njalo kanye nokwesaba phakathi kwenhlekelele ebonakale kancane ngezinkathi zonke. Futhi bonke abalandeli Bami abakade bengathembeki kumuntu bayojabula futhi bababaze amandla Ami. Bayokuzwa ukweneliseka ngaphakathi futhi baphile ngenjabulo engingakaze ngiyibeke phezu kwesintu. Ngokuba ziyigugu Kimi izenzo zabantu ezinhle kepha ngiyazenyanya izenzo zobubi. Selokhu ngaqala ukuhola isintu, Mina bengilokhu ngethemba ukuthi kuzokuba neqembu labantu elinomqondo ofana noWami. Futhi angikaze ngibakhohlwe labo abangakaze babe nomqondo ofanayo; Ngiyabanyanya enhlizweni Yami, sengimele ithuba lokubona impindiselo Yami yenzeka kubenzi bobubi futhi ngiyajabula ngokunje. Usuku lwami seluze lwafika futhi angisadingi ukulinda!
Umsebenzi Wami wokugcina akusiwona owokujezisa umuntu kuphela kodwa ukuhlela isiphetho somuntu ngamunye. Nangaphezulu kwalokho, ukuthola ukwamukelwa kubo bonke, ngakho konke engikwenzile. Ngifuna wonke umuntu abone ukuthi konke engikwenzile kuyilungelo nokubonisa indalo Yami; akusikho ukwenzela umuntu, ekugcineni imvelo, eyaletha isintu okuphambene. Yimina engikhulisa konke okuphilayo phakathi kwezinto zonke. Ngaphandle kobukhona Bami, isintu singabhubha kuphela futhi sihluphekiswe ukungena kwezinhlupheko. Akakho oyophinda futhi abone ilanga elihle kanye nenyanga noma izwe eliluhlaza; isintu siyakubona ubusuku obubandayo isigodi sethunzi lokufa esingenamkhawulo. Yimina kuphela insindiso yesintu. Yimina kuphela ithemba lesintu nangaphezulu, Nginguye okuhlala kuye ubukhona besintu sonke. Ngaphandle Kwami, isintu siyakuma masinyane. Ngaphandle Kwami, isintu siyakuhlushwa inhlekelele futhi sinyathelwe yilo lonke uhlobo lwemimoya emibi, noma engekho ongilalelayo Mina. Mina ngenzile umsebenzi obungeke wenziwe muntu, ngethemba lokuthi umuntu uzongikhokhela ngezenzo ezinhle. Noma bekhona abayingcosana abangangikhokhela, Mina ngisazophetha uhambo Lwami ezweni bese ngiqala umsebenzi olandelayo ozokwembulwa, ngokuba uhambo Lwami phakathi kwabantu lube nezithelo, futhi lokhu kuyangithokozisa. Anginandaba nenani labantu kodwa kunalokho izenzo zabo ezinhle. Noma kunjalo, Mina ngethemba ukuthi uzokwenza ngokwanele izenzo ezinhle ukulungiselela isiphetho sakho. Emva kwalokhu ngiyokwaneliseka; ngaphandle kwalokho, akekho phakathi kwenu oyakuphunyuka enhlekeleleni. Inhlekelele ilethwe yiMina futhi ihlelwe yiMina. Uma ungeke usebenzele okuhle ebukhoneni Bami, ngalokho angeke uphephe ekuhluphekeni kwenhlekelele. Ngezikhathi zosizi, ukuhamba kwakho kanye nezenzo zakho zazingafanele ngempela, ngokuba ukukholwa kwakho nothando lwakho lwaluyize, uthi wabonisa kuphela ukwesaba noma amandla. Mayelana nalokhu, Mina ngiyakwenza ukwahlulela kokuhle nokubi. Ukukhathazeka Kwami kuyaqhubeka ukuba okwezenzo zenu kanye nokuziphatha kwenu, okuyikhona okuyisisekelo sesinqumo Sami sesiphetho senu. Nokho-ke, Mina kumele ngikwenze kucace ukuthi angisayi kunika umusa Wami kulabo abangathembekanga Kimi ngezikhathi zosizi, ngokuba umusa uhamba ugcina la kuphela. Nangaphezulu, Mina angibathandi abake bangikhaphela, angifisi ukuzihlanganyela nalabo abadayisa ngokulangazelela kwabangani babo. Lendalo Yami, nakunoma imuphi umuntu. Kumele ngikutshele lokhu: Noma ubani ophula inhliziyo Yami angeke athole ubumnene, futhi nanoma imuphi okade ethembekile uyakuhlala enhliziyweni Yami phakade.
UMFULA OHLANZEKILE WAMANZI OKUPHILA
Awekho amazwana:
Thumela amazwana